خلطة رووووووووعه من مجهود ام البراء

مرحبا حبوبات


اليوم جايبة لكم خلطة مرة روعة كنت فاضية في البيت وجلست اجرب وطلعت بها واستخدمتها يومين وبعدها كنت متفقة مع صاحباتي ع الغداء في المطعم ولنا اسبوعين ماشفنا بعض ويوم شافوني اقسم بالله اول مرة مانزلوا عيونهم من عليا , وبعدها سألتني وحدة منهم وش استخدمت وقلت لها مثل ماراح اقول لكم.
اول شي اسم هالخلطة (خلطة ام براء -على اسمي ومااسمح لاحد ينسبها لنفسه ومسموح باقتباسها للفائدة كما هي على ان تحمل اسمي)




فوائدالخلطة:
-تقشير البشرة
-تصفية البشرة
-تفتيح لون البشرة تدريجيا
-إزالة القشور والجلد الميت وتخفيف آثار الحبوب والنمش.




مكونات الخلطة:
-مجموعة زيوت ملائمة للبشرة اللي تتوفر عندك انا استخدمت هالزيوت بمقدار ملعقة أكل كبيرة من كل نوع:
(زيت سمسم-زيت اركان-زيت ليمون-زيت الجلسرين الأحمر -زيت الجلسرين الشفاف-زيت جنين القمح-زيت اللوز المر)
-5 ملاعق اسكينول بالبابايا.
-1 ملعقة أكل كركم الجسم
-3 ملاعق أكل طحينة
-5 ملاعق حليب نيدو بودرة
-3 ملاعق أكل لوز مطحون(قودي)
-نص علبة مقشر الجسم بالفراولة.
-5 ملاعق محلب مطحون
-نص علبة صابون غارنية السائل المفتح للبشرة الحجم الصغير


الطريقة:

تخلطين هالكميات مع بعض حتى تتجانس بيكون شكلها مثل الصنفرة وحطيها في علبة بلاستيك واحفظيها في درجة حرارة الغرفة اذا كانت الغرفة باردة..(لان غرفتي على طول باردة فما احتجت احفظها في الثلاجة ومااعرف اذا ينفع تنحط في الثلاجة او لا)
واستخدموها مع كل حمام خصوصا في الساونا وربي تجنن ومايحتاج تستخدمي معاها صابون لانه من مكوناتها الصابون.
تفركين بها الجسم كله حتى الوجه لمدة 10 دقايق -20 دقيقة
وتشطفين جسمك وتنشفينه وترطبينه بفازلين بزبدة الكاكاو او اي مرطب عندك.


كان ودي احط معاها سدر بس ماكان متوفر عندي في البيت لما اشتري راح اقسم الخلطة بالنص واحط نص بسدر ونص بدون واجرب واشوف النتيجة واخبركم.

تنويه:
الخلطة من مجهود بحث شخصي كنت ادورعن اشياء طبيعية مفيدة للبشرة وخلطت وحوست وطلعت معاي وفادتني والله العظيم.
لذلك مااسمح لاحد يقتبسها بدون ماينسبها لي.
انصحكم بتجربتها وانا مسؤلة عن نتايجها اذا ماكان عندك حساسية لاي من مكوناتها خصوصا الصابونات.

هذي صور لبعض الاغراض اللي استخدمتها واللي ماشفت كثير يستخدمونها

هذا غسول غارنيه