ياصاحبي قلـــها !!

ياصاحبي قلها علـى شـان ترتـاح
الكلمـة اللـي توجـع القلـب قلهـا
قلها عسى همك مـع الليـل ينـزاح
وتفـارق الضيقـة وتلقـى بدلهـا
اطلق عنـان السالفـه سدهـا بـاح
الى متى من دون صـوت تختلهـا؟
خل الحديـث لمبهـم السـر مفتـاح
سـود النواعـس لاتبيـن زعلهـا
حاولت اصرح لك..وانا اعرفك لماح
بالصدق هذي..عن هذيـك تعزلهـا
تعبت اجدّل من سهر ليلـك مـراح
واضفي على جـرد المشاعـر حللها
متعودٍ صدري على شلـف ورمـاح
كم لي على شانـك وانـا محتملهـا
لاغيمـة ٍ تمطـر ولابـارق ٍ لاح
علـى مداهيـل خفوقـي نزلـهـا
ماظن باقي بالفـرح كثـر مـاراح
الفرحة اللي تنتظرهـا مـن قتلهـا
تعال اوسع صدرك ان ضاق وارتاح
والكلمة اللـي توجـع القلـب قلهـا

يسلموو طرح راااائع وومميز يعطيك العاافيه

رائعه
يعطيك العافيه

منوريين حبايبي ^^

ربي يسعدكم ^^

يسلموووووووووووو روحي

كلماااات رااائعه

منوره ياعسل ^^

» ياصاحبي قدر ضروفي