صبر،، جميل، وخابر ،انه، مقادير

اللي دايم تالي عصير
وش حيلتي واردها لا تجيني

لاطال ظل العود حزة عشى الطير
كنها على سجن الحديد تحديني

يضيق صدري كل ماجات واسير
ولا يخفف سوج رجلي حنيني

لاحولنا مشراف ولا اقدر اطير
يالله قسمة خير لا تبتليني

وعقارب الساعه توقف ع السير
ولاكن في الدوحه سواتي حزيني

والعبره اللي تاصل الحلق وتحير
ياقربها لو قيل لي يا عويني

أحل شوف الناس ورد ومصادير
واللي يقول اشفيك كنه يهجيني

يعني على ما قيل من باب تصوير
( لا احد ابي قربه ولا احد يبيني )

أروح ادور خط مابه دواوير
وأدور اللي هادها تهديني

وأخذ مع الهاجوس سجة وتفكير
واراجع اللي فات بيني وبيني

وأحسب ذنوبي وادور التفكير
عساني ماقصرت في والديني

وعساني ماقارنت من ينفخ الكير
واللي يحمل المسك جعله قريني

و يطري علي يوم الحشرواطلب محير
ماأعطى كتابي في شقيقة يميني

و يطري علي صدقان كثر الدنانير
اللي تعاديني إلاياكثر ديني

وراعي الهروج اللي سوات المناشير
اصد عنه وادري انه يعنيني

الله حسيبه يوم عرض القواوير
والله حسبي من صواب مكيني

دريت وش قومي وعينت تفسير
للضيقه اللي من زمن تعتليني

حبه بصدري سالفه سر في بير
وكن الفواد يقول هذا زبيني

أشفق على علم يجي منه غير
لايسمع اللي سولفوا به ونيني

ياكثرهم غيرهم ولكن خبر خير
ماغير شوفه في الوجود يهنيني

رايي كذا ياعاشقين الغنادير
ماله على وجه البسيطه وزيني

العام اجيهم من حساب المسايير
واليوم حال عداي و ينه و ويني

خطاي تعليق الآمل في المدابير
إلين راح وشفت حقري بعيني

صبر جميل وخابر انه مقادير
والله على تخفيف حزني عويني

ذي حالتي لين اتغبا الشمس واسير
معطى سراحي عقب ماآنا سجيني

واذا امتلى جوف الشجر بالعصافير
طلبت من رب العباد يهديني

يعتقني المذن عقب ضيقة عصير
اللي ع سجن الفراق اتحديني