المشكله لاجتك الطعنا من كفوف أقرب قريب .. قصيدهـ في غاية روعتها ..
:
.
مشكله لاجتك طعنه من كفوف أقرب قريـب
ماسأل عن نزف جرحك كيف آلامـه تكـون
يشتكي لك حب غيرك وهو في قلبك حبيـب
يدري انه كـل كلـك ويتمـادى بالطعـون
يعني جلاد وخناجر قسوتـه تمطـر لهيـب
والمصيبه إن قلبـه ظاهـره قلـب حنـون
تلتفت ما تسمع إلا آهتـك تـردف نحيـب
ولا رفعت عيونك تشوف إبتساماتـه جنـون
يامتاهات الجروح اللي فقدت أغـلا طبيـب
يامسافات الرحيل اللي بكت عقـل وجنـون
كيف أنا اطلب رحمته يرميني بحرف عطيب
لاصداقـه لاأخـوه لا ولا قلـب فتـون
يعني أغرق في عذابي وأبقى في حلمي كئيب
انتظر ليل الأمل يحيـي بقايـا ذا الغصـون
إيه ابرحل عن عذابك عاشق مهاجر غريـب
شايل جرحـي بكفـي كـل آمالـي سكـون
مشكله لامات قلبك فـي خناجـر هالقريـب
وهو يتلـذذ بموتـك كيـف قدامـه يكـون
الأربعاء ديسمبر 01, 2010 1:41 am
